দেশত হ্ৰাস পাইছে প্ৰজনন ক্ষমতাৰ হাৰ; যোৱা পাঁচ বছৰত Fertility Rate ২.২ৰ পৰা হ্ৰাস পাই হ’ল গৈ ২.০; মুছলমানৰ মাজতো হ্ৰাস পাইছে প্ৰজনন ক্ষমতা

 

দেশৰ জনসংখ্যা নিয়ন্ত্ৰণ কৰিবলৈ বিভিন্ন মহলে এখন শক্তিশালী জনসংখ্যা নিয়ন্ত্ৰণ আইনৰ পোষকতা কৰি থকাৰ সময়তে আন এখন বিপৰীতমুখী ছবি পোহৰলৈ আহিছে । National Family Health Surveyয়ে প্ৰকাশ কৰা পঞ্চমটো সমীক্ষাৰ ফলাফল মতে দেশত হ্ৰাস পাইছে সর্বমুঠ প্ৰজনন ক্ষমতা ।

সেই সমীক্ষা অনুসৰি ২০১৯-২১বৰ্ষত দেশত Total Fertility Rate অৱনমিত হৈছে ২.০লৈ । ২০১৫-১৬বৰ্ষত দেশৰ TFR আছিল ২.২ । TFR অথবা সর্বমুঠ প্ৰজনন ক্ষমতা হৈছে এগৰাকী নাৰীয়ে তেওঁৰ জীৱনকালত জন্ম দিয়া সন্তানৰ গড় সংখ্যা । লক্ষণীয় ভাৱে মুছলমান সম্প্ৰদায়ৰ মাজতো হ্ৰাস পাইছে প্ৰজনন ক্ষমতা । মুছলমানৰ মাজত ২০১৫-২০১৬বৰ্ষত সর্বমুঠ প্ৰজনন ক্ষমতা আছিল ২.৬ । ২০১৯-২১বৰ্ষত মুছলমানৰ প্ৰজনন ক্ষমতা হ’ল গৈ ২.৩ ।