ৰাজ্য চৰকাৰৰ কৰ্মচাৰীসকলৰ বাবে ডাঙৰ খবৰ!

 

অসম চৰকাৰৰ কৰ্মচাৰীসকলৰ বাবে ডাঙৰ খবৰ। চৰকাৰে সোমবাৰে চৰকাৰী কৰ্মচাৰী, পেঞ্চনভোগী, ফেমিলী পেঞ্চন হোল্ডাৰ, এক্সট্ৰাঅৰ্ডিনেৰী পেঞ্চন হোল্ডাৰসকলক ৩ শতাংশ বৃদ্ধিৰ সৈতে ডিএ, ডিআৰ প্ৰদান মঞ্জুৰি প্ৰদান কৰিছে।

সংশোধিত নিৰিখ ১ জানুৱাৰী ২০২২ৰ পৰা কাৰ্যকৰী হ’ব। কৰ্মচাৰী আৰু পেঞ্চনভোগীসকলে বেছিক পে’–বেছিক পেঞ্চনৰ ৩৪ শতাংশ হাৰত ডিএ–ডিআৰ লাভ কৰিব।

এই নিৰ্দেশনা সেইসকল কৰ্মচাৰীৰ বাবে কাৰ্যকৰী হ’ব যিসকলক ৪ এপ্ৰিল ২০১৬ৰ পৰা সংশোধিত পে স্কেললৈ অনা হৈছিল আৰু যিসকলক ১ এপ্ৰিল ২০১৬ৰ পূৰ্বে প্ৰচলিত পে’ স্কেল ধৰি ৰখাৰ বাবে নিৰ্বাচিত হৈছিল। এই বকেয়া ধন কৰ্মচাৰীসকলৰ বেংক একাউণ্টত এটা কিস্তিত প্ৰদান কৰা হ’ব।