ডিব্ৰুগড়ৰ বিশেষভাৱে সক্ষম গৃহৰক্ষী জোৱান শ্বেন মেকনায়াৰলৈ 'ড্ৰাইভাৰ কেৰল বঁটা'

 

ডিব্ৰুগড়ৰ মূকবধিৰ গৃহৰক্ষী জোৱান শ্বেন মেকনায়াৰলৈ আগবঢ়োৱা হৈছে 'ড্ৰাইভাৰ কেৰল বঁটা'। সৰ্বভাৰতীয় এংলো-ইণ্ডিয়ান এছ'চিয়েচনে প্ৰদান কৰিছে এই বঁটা। সুদীৰ্ঘ ২০ বছৰে বিনা বেতনেৰে ৰাজপথত যান-জঁট নিয়ন্ত্ৰণ কৰা এজন মূকবধিৰ গৃহৰক্ষী জোৱান শ্বেন মেকনায়াৰে দায়বদ্ধতাৰে দায়িত্ব পালন কৰি বিভিন্নজনৰ পৰা সন্মান-আদৰ বুটলিবলৈ সক্ষম হৈছিল।

হোমগাৰ্ডত নিযুক্তি লাভ কৰি তেওঁ অধিক নিষ্ঠাৰে নিজৰ দায়িত্ব পালন কৰি অসম আৰক্ষীৰ বাবে গৌৰৱ হৈ পৰিছে এতিয়া। প্ৰতিদিনেই এযোৰ খাকী পোছাক পিন্ধি ৰাজপথত ছিগনেল, হুইছেল বজাই শৃংখলাবদ্ধতাৰে পূজা, বিজয়া দশমী, বিহু বা VIP আগমনৰ সময়তো সক্ৰিয়তাৰে যান-জঁট নিয়ন্ত্ৰণ কৰি আহিছিল মেকনায়াৰে