ৰবীন্দ্ৰ জাদেজাই এম এছ ধোনীক ঘূৰাই দিলে চেন্নাই ছুপাৰ কিংছৰ অধিনায়কত্ব ...

 ৰবীন্দ্ৰ জাদেজাই চেন্নাই চুপাৰ কিংছৰ (Chennai Super Kings) অধিনায়কত্ব মহেন্দ্ৰ সিং ধোনীক (MS Dhoni) ঘূৰাই দিছে। IPL 2022 আৰম্ভ হোৱাৰ কেইদিনমান আগতে, এম এছ ধোনীয়ে ৰবীন্দ্ৰ জাদেজাক দলটোৰ অধিনায়ক কৰি তুলিছিল। জাদেজাৰ নেতৃত্বত চিএচকেৰ প্ৰদৰ্শন যথেষ্ট হতাশাজনক আছিল। তেওঁৰ অধিনায়কত্বত, চিএছকে-য়ে ৮ খন মেচ খেলিছিল, য'ত ২ খন জিকিছিল আৰু ৬ খন পৰাজিত হৈছিল। চেন্নাই চুপাৰ কিংছে এক বিবৃতিত কয় যে জাদেজাই পুনৰ ধোনীক অধিনায়কত্ব হস্তান্তৰ কৰাৰ প্ৰস্তাৱ দিছিল, যিটো ধোনীয়ে গ্ৰহণ কৰিছে। ধোনীয়ে অধিনায়ক হিচাপে চিএছকেক চাৰিবাৰ আই পি এল খিতাপলৈ লৈ গৈছে।

এতিয়া এম এছ ধোনীক আকৌ এবাৰ দলটোৰ শাসনভাৰ গ্ৰহণ কৰা দেখা যাব। দলটোৱে দেওবাৰে ছানৰাইজাৰ্ছ হায়দৰাবাদৰ সৈতে খেলিব। দলটোৱে চলিত ছিজনৰ প্লে অফত উপনীত হ'বলৈ তেওঁলোকৰ ছিজনৰ বাকী থকা সকলোবোৰ মেচ জিকিব লাগিব। ইয়াৰ পাছতো, তালিকাখনৰ সমীকৰণ চাব লাগিব। কিন্তু জাদেজাৰ অধিনায়কত্ব ত্যাগৰ পিছত, আটাইতকৈ ডাঙৰ প্ৰশ্নটো হ'ল ধোনীৰ ৪০ বছৰৰ পিছত কাক দলটোৰ কমাণ্ড দিয়া হ'ব।