কেঁচা বাদামৰ পিছত এইবাৰ ইণ্টাৰনেটত 'নিম্বু চোডা'! কেৱল গীত নহয়, চাইছেনে এই ভিডিও!

 

ভুৱন বাদ্যকাৰৰ কেঁচা বাদাম গীত এতিয়াও ইণ্টাৰনেটত ছুপাৰহিট। গীতটোত প্ৰায়ে ৰীল ভিডিও প্ৰস্তুত কৰাও দেখা যায়। সেইগীতটোও যে এনেদৰে ভাইৰেল হব পাৰে সেয়া প্ৰথম অৱস্থাত কোনেও হয়টো ভাবিবই পৰা নাছিল।

বীৰভূম গাঁৱৰ এজন বাদাম বিক্ৰেতাৰ পৰা, ভুৱন এতিয়া খ্যাতিৰ শীৰ্ষত আছে। তেওঁক দেখি, এতিয়া বহুলোকে বস্তু বিক্ৰী কৰোতে নিজৰ গান গাইছে। শেহতীয়াকৈ মধুৰিআম বিক্ৰেতা, আঙুৰ বিক্ৰেতাইয়ো গীত গাই বিক্ৰী কৰিছে যদিও চৰ্চা চলা দেখিবলৈ পোৱা নাই। এইবাৰ সেই তালিকাত নতুন সংযোজন হৈছে এগৰাকী নেমুপানী বিক্ৰেতা।

বিক্ৰী ভাল হোৱাৰ বাবে, এজন বিক্ৰেতাই গ্ৰাহকক আকৰ্ষণ কৰিবলৈ এক নতুন ধৰণে নিম্বু চডা বিক্ৰী কৰা দেখা গৈছে। আৰু তেওঁৰ শৈলীয়ে নেটিজেনসকলক আচৰিত কৰিছে।

ভাইৰেল ভিডিঅ'টোত দেখা গৈছে যে, ব্যক্তিজনে গীত গাইছে আৰু এখন হাতেৰে নেমু চেপিছে। আৰু গ্ৰাহকসকলে সৰু দোকানখন ঘেৰি ধৰিছে। সকলোৱে নেমুপানী বিক্ৰী কৰা বিক্ৰেতাৰ অভিনৱ শৈলী উপভোগ কৰি আছে।