কেন উইলিয়ামছনৰ অধিনায়কত্বৰ ইনিংছত ছানৰাইজাৰ্ছ হায়দৰাবাদে আই পি এলৰ এখন খেলত গুজৰাট টাইটানছক ৮ উইকেটত পৰাস্ত কৰি চলিত ছিজনত তেওঁলোকৰ দ্বিতীয়টো জয় পঞ্জীয়ন কৰে (SRH vs GT)৷ ৪ খন মেচত গুজৰাট টাইটানছৰ এইটো প্ৰথম পৰাজয়৷ গুজৰাটৰ দ্বাৰা নিৰ্ধাৰিত ১৬৩ ৰাণৰ লক্ষ্যৰ পিছে পিছে ছানৰাইজাৰ্ছ হায়দৰাবাদে ১৯.১ অভাৰত ২ টা উইকেট হেৰুৱাই ১৬৮ ৰাণ সংগ্ৰহ কৰে। উইলিয়ামছনে চাৰিটা ছয় আৰু দুটা চাৰিৰ সহায়ত ৪৬ টা বলত ৫৭ ৰাণ কৰে।
লক্ষ্যৰ পিছে পিছে হায়দৰাবাদে এটা ভাল আৰম্ভণি কৰিছিল। উইলিয়ামছন আৰু অভিষেক শৰ্মাৰ প্ৰথম যুটিটোৱে প্ৰথম উইকেটৰ বাবে ৬৪ ৰাণৰ অংশীদাৰী ত্বৰান্বিত কৰি হায়দৰাবাদক এক সুন্দৰ আৰম্ভণি প্ৰদান কৰে। অভিষেক শৰ্মা ৩২ টা বলত ৪২ ৰাণ কৰি আউট হয়। ৰাহুল ত্ৰিপাঠীয়ে ১১ টা বলত ১৭ ৰাণ কৰাৰ পিছত আঘাতপ্ৰাপ্ত হৈ অৱসৰ গ্ৰহণ কৰিছিল। কেন উইলিয়ামছনে এটা দিশত খেলি অৰ্ধশতক অৰ্জন কৰে। শেষৰ ফালে পুৰানে দৃঢ়তাৰে খেলি দলক দ্বিতীয় বিজয়ৰ সোৱাদ দিয়ে।
0 Comments