চৰকাৰী কৰ্মচাৰীৰ বাবে গুৰুত্বপূৰ্ণ খবৰ!

 কেন্দ্ৰীয় চৰকাৰৰ অধীনৰ কৰ্মচাৰীৰ বাবে গুৰুত্বপূৰ্ণ খবৰ। কেন্দ্ৰীয় কৰ্মচাৰীৰ ডিএ বৃদ্ধি সন্দৰ্ভত ইতিমধ্যে জল্পনা–কল্পনা আৰম্ভ হৈছে। এতিয়ালৈকে অহা তথ্য অনুসৰি, আগন্তুক ডিএ বৃদ্ধি হোৱাৰ সম্ভাৱনা খুব কম বুলি ধাৰণা কৰা হৈছে।

বিগত সময়ত কেন্দ্ৰীয় কৰ্মচাৰীয়ে ডিএ বৃদ্ধিৰ উপহাৰ লাভ কৰিছিল। এই ঘোষণাৰ সৈতে চৰকাৰে ডিএ ৩১ শতাংশৰ পৰা ৩৪ শতাংশ কৰা হৈছিল। বিত্ত মন্ত্ৰণালয়ৰ ফালৰ পৰা ডিএ এৰিয়াৰো মঞ্জুৰি লাভ কৰাৰ কাম আৰম্ভ হৈছে।কৰ্মচাৰীৰ জুলাইত বাঢ়িবলগীয়া ডিএৰ অপেক্ষা কৰা হৈছে।

জানিব পৰা মতে, কেন্দ্ৰীয় কৰ্মচাৰীৰ ডিএ বছৰত দুবাৰ ৰিভাইচ কৰোৱাৰ প্ৰক্ৰিয়া আছে। প্ৰথম ৰিভিজন জানুৱাৰীৰ পৰা জুনলৈ কৰা হয়। দ্বিতীয়টো জুলাইৰ পৰা ডিচেম্বৰলৈ কৰা হয়। প্ৰথম ডিএ ৰিভিজনৰ ঘোষণা মাৰ্চত কৰা হৈছিল। জুলাইত ইয়াক পুনৰ ৰিভাইচ কৰা হ’ব।

এতিয়ালৈ অহা তথ্যৰ পৰা ধাৰণা কৰা হৈছে আগন্তুক ডিএ বৃদ্ধি হোৱাৰ সম্ভাৱনা খুব কম। ডিচেম্বৰ ২০২১লৈ চালে দেখা যায় যে AICPIৰ সংখ্যা ১২৫.৪ত উপনীত হৈছিল। জানুৱাৰী ২০২২ত ০.৩ সংখ্যা বৃদ্ধি পোৱাৰ পিছত এয়া ১২৫.১ হৈছিল। ইয়াৰ পিছত ফেব্ৰুৱাৰীতো ০.১ সংখ্যা হ্ৰাস পাইছিল।

ধাৰাবাহিকভাৱে দুমাহ হ্ৰাস হোৱাৰ পিছত আশংকা কৰা হৈছে যে জুলাইত সম্ভৱত ডিএ বৃদ্ধি হ’ব পাৰে। কিন্তু এই সংখ্যা ইয়াতকৈও তললৈ গ’লে ডিএ বৃদ্ধিৰ সম্ভাৱনা নাই। ১২৪ৰ তললৈ যোৱাৰ পিছত ডিএ স্থিৰ ৰখা হ’ব।