তেজ পৰিষ্কাৰ কৰাৰ পৰা কৌষ্ঠকাঠিন্যতা দূৰ কৰা লৈকে...পটলৰ স্বাস্থ্যকৰ গুণাগুণ জানিলে আচৰিত হ'ব!

 পাচলিৰ বজাৰত উভৈনদী পটল। সেউজীয়া পটলৰ গুণাগুণৰ বিষয়ে জানিলে আচৰিত হ'ব। ভিটামিন এ, ভিটামিন বি1, বি2, ভিটামিন চি, কেলচিয়াম, পটাছিয়াম, মেগনেছিয়াম, ফছফৰাছৰ দৰে বহুতো পুষ্টি পোৱা যায় পটলত। ইয়াক মুখ্যতঃ মূত্ৰৰ সমস্যা আৰু ডায়েবেটিছৰ চিকিৎসাত ব্যৱহাৰ কৰা হয় । ইয়াৰ উপৰিও ই কৌষ্ঠকাঠিন্য, ছালৰ সমস্যা, হজম আৰু বার্ধক্যজনিত সমস্যা আদিৰ নিয়ন্ত্ৰণত লাভজনক । সেয়েহে জানি লও আহক পটলৰ উপকাৰিতাৰ বিষয়ে -

১. তেজ পৰিষ্কাৰ কৰে -.তেজ পৰিষ্কাৰ কৰাত পটলক অতি উপযোগী বুলি গণ্য কৰা হয়। আয়ুৰ্বেদৰ মতে, ই আমাৰ শৰীৰৰ তেজ পৰিষ্কাৰ কৰাত সহায় কৰে আৰু ছালৰ যত্ন লয়। আচলতে, শৰীৰৰ তেজ পৰিষ্কাৰ কৰাটো অতি গুৰুত্বপূৰ্ণ, যিয়ে আমাক বিভিন্ন ৰোগৰ পৰা সুৰক্ষিত কৰে । তেনেস্থলত পটলে তেজ পৰিষ্কাৰ কৰে আৰু আপোনাৰ তেজৰ চলাচল সঠিক কৰি ৰাখে ৷

২. হজম উন্নত কৰা
পটলত যথেষ্ট পৰিমাণে আঁহ আছে যি সঠিক পাচনৰ বাবে অতি অত্যাৱশ্যকীয়। ই গেষ্ট্ৰোইনটেষ্টাইনাল আৰু যকৃতক বহু সমস্যাৰ পৰা আঁতৰাই ৰাখে। সদায় পটল খালে আপোনাৰ পাচন তন্ত্ৰই সঠিকভাৱে কাম কৰি থাকিব ৷

৩. বার্ধক্য(Ageing) নিয়ন্ত্ৰণ কৰে -
পটলত এণ্টি-অক্সিডেণ্ট, ভিটামিন এ আৰু চি থাকে, যি মুক্ত ৰেডিকেল অণু নিয়ন্ত্ৰণ কৰে আৰু বার্ধক্য প্ৰক্ৰিয়া হ্ৰাস কৰে।

৪. কৌষ্ঠকাঠিন্যতা (Constipation)দূৰ কৰে -

যদি আপুনি কৌষ্ঠকাঠিন্যতাৰ সৈতে যুঁজ কৰি আছে, তেন্তে পটলৰ বীজে ইয়াক দূৰ কৰাত সহায় কৰিব আপোনাক ৷

৫. ব্লাড চুগাৰ(Blood Sugar) নিয়ন্ত্ৰণ কৰি ৰাখে -

সম্প্ৰতি ব্লাড চুগাৰ(Blood Sugar)এক জীৱন শৈলী হৈ পৰিছে আৰু ই এক বংশগত ৰোগ ৷ আপুনি আপোনাৰ আহাৰ সলনি কৰি ইয়াক নিয়ন্ত্ৰণত ৰাখিব পাৰে। যেতিয়াই আপুনি পটলৰ কোনো খাদ্য তৈয়াৰ কৰে তেতিয়া ইয়াৰ বীজখিনি পেলাই নিদিব । পটলক আপোনাৰ দৈনন্দিন খাদ্য তালিকাত অন্তৰ্ভূক্ত কৰক, ইয়ে আপোনাৰ ব্লাড চুগাৰ(Blood Sugar)ৰ স্তৰ নিয়ন্ত্ৰণত ৰাখিব।

৬. ওজন হ্ৰাস কৰিবলৈ -

পটলত অতি কম কেলৰি থাকে আৰু ই ফাইবাৰযুক্ত। যদি আপুনি নিয়মীয়াকৈ পটলৰ ব্যৱহাৰ কৰে, ইয়ে আপোনাৰ ওজন বৃদ্ধি নকৰিব। আনকি ইয়ে আপোনাৰ পেট ভৰ্তি ৰাখিব যাতে আপুনি সোনকালে ভোক অনুভৱ নকৰে৷।

৭. ৰোগ প্ৰতিৰোধ ক্ষমতা বৃদ্ধি কৰিব -

আয়ুৰ্বেদৰ মতে পটলে আপোনাৰ ৰোগ প্ৰতিৰোধ ক্ষমতা বৃদ্ধি কৰে । ইয়ে আপোনাক ঋতুগত পৰিৱৰ্তনত হোৱা ফ্লু আৰু ঠাণ্ডাৰ পৰা আঁতৰত ৰাখে ।

৮. জণ্ডিচৰ বাবে লাভজনক -

পটল লিভাৰৰ বাবে অতি লাভজনক, সেয়েহে ই জণ্ডিচৰ চিকিৎসাতো যথেষ্ট কাম কৰে। ই লিভাৰৰ কাৰ্যকলাপ বৃদ্ধি কৰে আৰু পাচন প্ৰণালী উন্নত কৰে।

পটলৰ অন্যান্য আয়ুৰ্বেদিক ব্যৱহাৰ কেনেদৰে ব্যৱহাৰ আৰু ব্যৱহাৰ প্ৰণালী -

- যদি মূৰৰ বিষ হয়, পটলৰ মূল গুৰি কৰক আৰু মূৰত লগাওক, বিষ উপশম হ’ব।

- পটলৰ পাত ঘিঁউত ফ্ৰাই কৰি খালে চকুৰ সমস্যা দূৰ হয়।

- সৰু আই (small pox) প্ৰাৰম্ভিক লক্ষণবোৰৰ সময়ত, ইয়াৰ মূল আৰু পাত এটা মুলিৰ সৈতে মিহলি কৰি ৰস বনাই খাওক ৷ কিছু সকাহ লাভ কৰিব।

-ধনিয়াৰ সৈতে পটলৰ মূল অংশ আৰু পাত সমান পৰিমাণত লৈ এক ৰস বনাই জ্বৰ হ’লে খালে, জ্বৰ ভাল হ'ব।