ব্ৰনৰ সমস্যাত ভুগিছে নেকি? কিহৰ বাবে দেখা দিয়ে এই সমস্যা?

 

কফিপ্ৰেমীসকলে বহু সময়ত গম নাপায় যে তেওঁলোকে কিয় ইমান বেছি ব্ৰনৰ সমস্যাত ভুগিছে। তেওঁলোকে নাজানে যে তেওঁলোকৰ অজানিতে কফি নামৰ এই প্ৰিয় পানীয়ই এই ক্ষতি কৰিছে। যদি এয়া হয় তেন্তে কেনেকৈ সমাধান কৰিব এই সমস্যা?

কফি অবিহনে বহুতৰে দিনটো আৰম্ভ বা শেষ নহয়। কফিপ্ৰেমীসকলে বহু সময়ত গম নাপায় যে তেওঁলোকে কিয় ইমান বেছি ব্ৰনৰ সমস্যাত ভুগিছে। তেওঁলোকে নাজানে যে তেওঁলোকৰ অজানিতে কফি নামৰ এই প্ৰিয় পানীয়ই এই ক্ষতি কৰিছে। যদি এয়া হয় তেন্তে কেনেকৈ সমাধান কৰিব এই সমস্যা?

ব্ৰন আচলতে কি? এয়া সঁচাই খাদ্য আৰু পানীয়ৰ পৰা হয় নেকি? – প্ৰদূষণ, বতাহত থকা ধুলি–ধোঁৱা, অত্যধিক প্ৰসাধন ব্যৱহাৰ আৰু তেল–মচলাযুক্ত খাদ্য বেছি খালে ছালত ব্ৰনৰ সমস্যাই দেখা দিয়ে। সৌন্দৰ্য বিশেষজ্ঞসকলে কয় যে অতিৰিক্ত কফি পান, দুগ্ধজাত সামগ্ৰী খোৱা, পাউৰুটি, মচলা দিয়া খাদ্য, জাংক ফুডৰ কাৰণে ছালত ব্ৰনে দেখা দিব পাৰে।

ব্ৰনৰ বাবে কিয় দায়ী কফি? পূৰ্বেই কোৱা হৈছে যে অতিৰিক্ত কফি পানে ব্ৰনৰ সমস্যা বৃদ্ধি কৰিব পাৰে। তাৰ অৰ্থ এয়া নহয় যে কফি পান কৰিলে ব্ৰন হয়। ব্ৰন হয় হৰমনৰ ভাৰসাম্য নাথাকিলে। আৰু এই ভাৰসাম্যহীনতা দেখা দিয়ে অস্বাস্থ্যকৰ জীৱন–যাপন আৰু খাদ্যাভাসৰ কাৰণে। সেই কাৰণেই চিকিৎসক আৰু সৌন্দৰ্য বিশেষজ্ঞসকলে তৈলাক্ত, চেনিযুক্ত, মচলাযুক্ত আৰু প্ৰক্ৰিয়াজাত খাদ্য এৰাই চলাৰ পৰামৰ্শ দিয়ে।

মূলত কফি, গাখীৰ, চেনি, মাখন সকলো একেলগে মিলি শৰীৰত তাপ প্ৰবাহ সৃষ্টি কৰে আৰু ব্ৰন হোৱাৰ সম্ভাৱনা বৃদ্ধি কৰে। এয়া দূৰ কৰাৰ একমাত্ৰ উপায় হ’ল ডায়েটৰ পৰিৱৰ্তন আৰু কফি খোৱা কম কৰা।