কোহলিৰ অধিনায়কত্ব ত্যাগৰ আৱেগঘন পোষ্ট, ধোনি আৰু শাস্ত্ৰীক স্মৰণ কৰি লিখিলে এই কথা...

 

বিশ্বৰ অন্যতম প্ৰসিদ্ধ বেটছমেন বিৰাট কোহলিয়ে (Virat Kohli) টেষ্ট দলৰ অধিনায়কত্ব ত্যাগ কৰিছে। তেওঁ আৰু কোনো ফৰ্মেটত ভাৰতীয় ক্ৰিকেট দলক নেতৃত্ব নিদিব। তেওঁ শনিবাৰে সামাজিক মাধ্যমত এটা আৱেগিক পোষ্ট লিখি তেওঁৰ সিদ্ধান্তৰ বিষয়ে অৱগত কৰিছিল। বিৰাটে যোৱাবছৰ কৈছিল যে তেওঁ টি-২০ বিশ্বকাপৰ (T20 World Cup-2021) পিছত এই ফৰ্মেটত অধিনায়কত্বৰ দায়িত্ব গ্ৰহণ নকৰে। আনহাতে, এদিনীয়া দলৰ অধিনায়কত্বৰ পৰাও তেওঁক বিচিচিআয়ে আঁতৰাই দিয়ে। (এএফপি)টেষ্ট দলৰ পৰাও অধিনায়কত্ব ত্যাগ কৰা বিষয়টোৱে এতিয়া দেশত যথেষ্ট চৰ্চা লাভ কৰিছে। অধিনায়কত্ব ত্যাগ কৰাৰ বিষয়ে অৱগত কৰি তেওঁ লিখা পোষ্টত মাত্ৰ ২গৰাকী প্ৰাক্তন ক্ৰিকেটাৰৰ নাম উল্লেখ কৰিছিল- এগৰাকী প্ৰাক্তন অধিনায়ক মহেন্দ্ৰ সিং ধোনি আৰু আনগৰাকী প্ৰাক্তন মুখ্য প্ৰশিক্ষক ৰবি শাস্ত্ৰী। ধোনিয়ে টেষ্টৰ অধিনায়কত্বৰ পৰা পদত্যাগ কৰাৰ পিছতহে বিৰাটক ২০১৪ চনত দলটোক নেতৃত্ব দিয়াৰ সুযোগ দিয়া হৈছিল। (এএফপি)বিৰাটে টীম ইণ্ডিয়াৰ প্ৰাক্তন মুখ্য প্ৰশিক্ষক ৰবি শাস্ত্ৰীক ধন্যবাদ জনায়। তেওঁ তেওঁৰ পোষ্টত লিখিছিল- 'ৰবি ভাই আৰু সহায়ক কৰ্মচাৰীসকলক ধন্যবাদ, যিসকলে এই বাহনখনৰ পিছফালৰ ইঞ্জিনৰ দৰে আছিল, যিয়ে আমাক টেষ্ট ক্ৰিকেটত নিৰন্তৰ ওপৰলৈ লৈ গৈছিল। আপোনালোক আটায়ে এই দিশত এটা ডাঙৰ ভূমিকা পালন কৰিছে। বিৰাটে তেওঁৰ পোষ্টত পুনৰ লিখিছিল- অৱশেষত আপোনাক বহুত ধন্যবাদ এম এছ ধোনি, যিয়ে মোক এজন অধিনায়ক হিচাপে বিশ্বাস কৰিছিল, ভাৰতীয় দলক আগুৱাই নিয়াৰ বাবে মোক এগৰাকী সক্ষম ব্যক্তি ৰূপে বিচাৰি পাইছিল। বিৰাট কোহলিয়ে ২০১৪ চনত টেষ্ট ফৰ্মেটত অধিনায়কত্বৰ দায়িত্ব গ্ৰহণ কৰিছিল। ৩৩ বছৰীয়া বেটছমেনজনে ৬৮খন মেচত ভাৰতীয় টেষ্ট দলক নেতৃত্ব দি ৪০খন মেচ জিকিছিল৷ ২০১১ চনত টেষ্ট অভিষেক কৰা বিৰাটে এতিয়ালৈকে ফৰ্মেটত ৯৯খন মেচ খেলিছে আৰু ২৭টা শতক, ২৮টা অৰ্ধশতকৰ বাবে মুঠ ৭৯৬২ ৰান সংগ্ৰহ কৰিছে।