''তোমাৰ চকুপানীৰ সৈতে মই তোমাৰ ওচৰতে আছোঁ''- বিৰাট কোহলিৰ পদত্যাগৰ পিছত ক'লে পত্নী অনুষ্কাই

 শনিবাৰে টেষ্ট ক্ৰিকেট দলৰ অধিনায়কত্বৰ পদ ত্যাগ কৰা বিৰাট কোহলি (cricketer Virat Kohli) সম্প্ৰতি চৰ্চাত আছে দেশজুৰি। তেওঁৰ এই সিদ্ধান্তটোৱে সমগ্ৰ দেশৰ ক্ৰিকেট সম্প্ৰদায়ক প্ৰায় জোকাৰি গৈছে। বিৰাটৰ পত্নী অনুষ্কা শৰ্মায়ো (Anushka Sharma) অৱশেষত এই বিষয়টো উল্লেখ কৰি নিজা মত ৰাজহুৱা কৰে। তেওঁ আজি দেওবাৰে ফেচবুকত এটা পোষ্ট শ্বেয়াৰ কৰে এই সন্দৰ্ভত। অনুষ্কা শৰ্মাই দেওবাৰে এটা দীঘলীয়া ফেচবুক পোষ্টত বিৰাটৰ 'আকস্মিক' সিদ্ধান্তক লৈ তেওঁ ভাৰতীয় ক্ৰিকেট দলৰ প্ৰাক্তন অধিনায়কগৰাকীৰ কাষত থিয় হৈ আছে বুলি জনায়। পোষ্টটোত অনুষ্কাই লিখিছিল, 'আপুনি এই পদটো ধৰি ৰখাৰ সেৱক নহয়। মই এইটো ভালদৰে জানো (Anushka Sharma penned a lengthy note for Virat Kohli)।'

তেওঁ লগতে কয়, 'মোৰ ২০১৪ চনৰ সেই দিনটো মনত আছে। আপুনি আহি মোক কৈছিল যে এমএছে অধিনায়কত্ব এৰিছে আৰু অধিনায়ক (Indian Test team)হিচাপে আপোনাক নিৰ্বাচিত কৰা হৈছে। মোৰ মনত আছে, এম এছ, আপুনি আৰু মই এই বিষয়টো আলোচনা কৰিছিলোঁ। আলোচনাৰ বিষয়বস্তু আছিল, কিমান সোনকালে আপোনাৰ দাড়ি কটা যাব। এয়া এক ৰগৰ আছিল। সেই দিনৰ পৰা আজিলৈকে। আপোনাৰ ধূসৰ দাড়িৰ বাহিৰেও মই বহুতো ঘটনাৰ সাক্ষী হৈছোঁ। মই এই যাত্ৰাটো দেখিছোঁ। আপুনি এটা ডাঙৰ উচ্চতালৈ জঁপিয়াই পৰিছিল। ভাৰতীয় ক্ৰিকেট দলৰ অধিনায়ক হিচাপে আপোনাৰ কেৰিয়াৰৰ এই গ্ৰাফাডাল দেখি মই অত্যন্ত সুখী। আপোনাৰ নেতৃত্বত, এই দলটোৱে সফলতাৰ শিখৰ স্পৰ্শ কৰিছিল। মই বহুত গৌৰৱান্বিত।'